Phenolphthalein (banned) found in LeanGenie product

, , , , , ,

Posted 20 November 2012

Phenolphthalein (banned in South Africa for safety concerns) and sibutramine has been found in the LeanGenie product, JS Slim-weight-loss capsules, and in Lifestyle Tradelink’s Fruit & Vegetables-capsules.  

Nóg skok in pille vir maerword – Published in Die Beeld
2012-11-19 22:15

Antoinette Pienaar

http://www.beeld.com/Suid-Afrika/Nuus/Nog-skok-in-pille-vir-maerword-20121119
Nóg ’n verbode middel is in sogenaamde 100%- natuurlike Chinese verslankingsmiddels gekry – dié keer ’n lakseermiddel wat tot kanker kan lei.

Dit is fenolftaleïen, wat meer as tien jaar gelede aan die mark onttrek is nadat studies op rotte en muise getoon het dit veroorsaak kankergewasse.

Toetse in die Universiteit van Pretoria se forensiese toksikologielaboratorium toon daar is fenolftaleïen en sibutramien in LeanGenie se JS Slim-verslankingskapsules van Gauteng en in ’n dosie van Lifestyle Tradelink se Fruit & Vegetables-kapsules van die Wes-Kaap.

Dié bevinding is gedoen nadat Beeld die Kangmei-verslankingskapsules die afgelope paar weke ondersoek en ook begin kyk het na die produkte wat in kombinasie daarmee verkoop word.

Vier houers Kangmei – van LeanGenie in Johannesburg, Lifestyle Tradelink in die Wes-Kaap, www.kangmeihealthsa. com in Polokwane en ’n Chinese winkel – is tot dusver positief getoets vir sibutramien.

Sibutramien, ’n skedule 5-medisyne, is in 2010 aan die mark onttrek weens ’n moontlike hartgevaar.

Verbruikers wat Kangmei en JS saam met Fruit & Vegetable-kapsules in sogenaamde kombo-pakke koop, loop die gevaar om dubbeldosisse sibutramien en/of fenolftaleïen in te kry sonder dat hulle dit weet.

Smouse het in Beeld se ondersoek dikwels kombinasies van JS, Kangmei en Fruit & Vegetable-kapsules probeer verkoop.

Die bemarkers het beweer die “100%-groente-en-vrugte-ekstrak” in Fruit & Vegetable-kapsules bevorder die uitwerking van ander produkte.

Hulle waarsku egter dat mense met hartprobleme, bejaardes en swanger vroue moet oppas vir die einste 100%-groente-en- vrugteproduk.

Volgens Andy Gray, senior lektor by die Nelson Mandela- mediese skool aan die Universiteit van KwaZulu-Natal, het die VSA fenolftaleïen in 1999 as oor-die-toonbank-middel verbied. Die Suid-Afrikaanse Medisynebeheerraad (MBR) het dit kort daarna ook gedoen.

Luidens die VSA se 12de verslag oor karsinogene het rotte en muise kwaadaardige gewasse gekry toe hulle fenolftaleïen gevoer is.

Laboratoriumtoetse het getoon fenolftaleïen veroorsaak genetiese skade in hamsterselle, maar dié gevaar is nog nie in studies op mense bevestig nie.

Corné Botha van Lifestyle Tradelink in Brackenfell in die Wes-Kaap het gister gesê hy en sy vrou het nie besef hul produkte is besmet nie en verkope gestaak.

Hy wou nie sê wie aan hom verskaf nie.

Shirley Hanson van Lean-Genie het gesê sy het haar JS van ’n Chinese verskaffer gekry.

Dié het gister beweer hul JS is by die Suid-Afrikaanse Buro vir Standaarde getoets vir sibutramien, maar niks oor die fenolftaleïen gesê nie.

 CamCheck posts related to Kangmei 

, , , , , ,

2 Responses to Phenolphthalein (banned) found in LeanGenie product

  1. Ria 28 November, 2012 at 9:04 am #

    What about JS Slim of Lifestyle Trademark?

  2. Ria 28 November, 2012 at 9:08 am #

    What about JS Slim of Lifestyle Tradelink?

Leave a Reply

This site uses Akismet to reduce spam. Learn how your comment data is processed.